Mae Cartrefi Melin wedi’i nodi fel cyflogwr enghreifftiol ar gyfer yr astudiaeth achos hon ar iechyd meddwl a llesiant oherwydd ymagwedd gadarnhaol a pharhaus at wella iechyd a llesiant meddyliol a chorfforol gweithwyr. Mae Cartrefi Melin wedi cyflawni Safon Iechyd Corfforaethol Platinwm (CHS) Cymru Iach ar Waith (HWW) ac mae’n Sefydliad ymrwymedig ar gyfer Amser i Newid Cymru (AiNC).
Mae Cartrefi Melin yn landlord cymdeithasol cofrestredig wedi’i leoli ym Mhont-y-pŵl, sy’n darparu cartrefi a gwasanaethau fforddiadwy i bobl sy’n byw yn Ne Ddwyrain Cymru. Ar hyn o bryd mae gan y gymdeithas dai 250 o staff ac mae’n bodoli i greu cyfleoedd i bobl a chymunedau ffynnu.
Dyfarnwyd y ganmoliaeth fuddugol i Gartrefi Melin am yr Ymateb Gorau gan Gwmni BBaCh wrth Gefnogi Staff yn ystod pandemig Covid-19. Gwnaeth yr ystod o gymorth y mae Cartrefi Melin yn ei gynnig i’w staff drwy raglen llesiant ‘Zest’, a’r modd y gwnaeth addasu a gwella cymorth, argraff ar y panel o feirniaid. Roedd y panel beirniaid yn cynnwys CBI Cymru, Ffederasiwn Busnesau Bach a Siambrau Cymru, yn ogystal â TUC Cymru, Mind Cymru ac Iechyd Cyhoeddus Cymru.
Mae Cartrefi Melin hefyd wedi bod yn Gyflogwr Addewid Amser i Newid Cymru ers 2014 ac o ganlyniad, mae wedi llunio eu polisïau a'u prosesau ac felly'n cael effaith gadarnhaol ar staff ar bob lefel o'u sefydliad.
Gwrandewch ar Cartrefi Melin isod am yr hyn y maent yn ei wneud i roi terfyn ar stigma iechyd meddwl yn y gweithle.
"Fe wnaethom lofnodi Adduned Cyflogwr AiNC yn 2014 oherwydd ein bod yn angerddol am helpu i gefnogi gweithwyr ac annog cyflogwyr eraill i roi terfyn ar stigma a gwahaniaethu ar sail iechyd meddwl. Mae hyn yn bwysig iawn i ni ac rydym yn cefnogi AiNC gyda’r gweithgareddau rydym yn eu cynnal ym Melin, gan annog pobl i gymryd amser o’r dydd i siarad yn agored. Ym mis Mai 2022 fe wnaethom adnewyddu ein hadduned i ailddatgan i staff a phartneriaid pwysigrwydd rhoi diwedd i stigma a gwahaniaethu ym maes iechyd meddwl." Paula Kennedy, Prif Weithredwr, Cartrefi Melin
Mae Cartrefi Melin wedi gweithio gyda HWW ers 2012 wrth gychwyn ar ei daith iechyd a llesiant am y tro cyntaf ac mae wedi llofnodi Adduned Cyflogwr AiNC yn 2014, gan addo gwneud yr hyn a all i roi terfyn ar stigma a gwahaniaethu iechyd meddwl yn y gweithle ac yn y gymdeithas ehangach.
Mae’r camau hyn wedi helpu i arwain ei waith i sicrhau bod polisïau a diwylliant yn cefnogi pobl â phroblemau iechyd meddwl. Mae Cartrefi Melin yn cynnal ymgyrchoedd yn rheolaidd i sicrhau nad oes unrhyw stigma ynghylch iechyd meddwl, gan gynnwys darparu gweithdai i staff, negeseuon clir i staff a phreswylwyr - a chefnogir hyn oll gan gefnogaeth.
To find out more, click here to read the Melin Homes case study.