Shana Bashana: Cymunedau Amrywiol Casnewydd yn Herio Stigma Iechyd Meddwl

Aeth dros 120 o bobl o gymunedau amrywiol Casnewydd i ddigwyddiad ddoe yn Sefydliad Lysaght gyda'r nod o geisio cael gwared ar y stigma sy'n gysylltiedig â salwch meddwl.

20th June 2014, 10.00am | Ysgrifenwyd gan Time to Change Wales

Aeth dros 120 o bobl o gymunedau amrywiol Casnewydd i ddigwyddiad ddoe yn Sefydliad Lysaght gyda'r nod o geisio cael gwared ar y stigma sy'n gysylltiedig â salwch meddwl.

Roedd y gweithgareddau yn y digwyddiad unigryw hwn yn cynnwys canu, dawnsio a chlywed gan bobl sy'n byw gyda phroblemau iechyd meddwl, yn ogystal â siaradwyr gwadd, gweithdai a stondinau gwybodaeth.

Trefnwyd y digwyddiad fel rhan o brosiect Shana Bashana- sef Urdu ar gyfer 'ysgwydd wrth ysgwydd', a ariennir gan Amser i Newid Cymru, yr ymgyrch genedlaethol gyntaf sy'n ceisio cael gwared ar y stigma a'r gwahaniaethu a wynebir gan bobl â phroblemau salwch meddwl. Cafodd ei gyflwyno gan grŵp menywod Ashiana yng Nghasnewydd. Rheolir grŵp Ashiana gan Rahila Hamid a'i nod yw cynyddu'r drafodaeth a'r ymwybyddiaeth am broblemau salwch meddwl, yn enwedig ymhlith cymunedau du ac ethnig lleiafrifol Casnewydd.

Roedd baner fawr yn croesawu'r bobl i'r digwyddiad, a gafodd ei chreu gan y grŵp er mwyn cyflwyno pobl i'r prosiect.

Wrth siarad ar ôl yr ŵyl, dywedodd Cydgysylltydd De Cymru o Amser i Newid Cymru, Humie Webbe:

Aeth nifer o bobl i ddigwyddiad Shana Bashana, a chafwyd cydbwysedd iawn rhwng sgwrsio, trafod a gweithdai rhyngweithiol a oedd yn y gynulleidfa gyfan. Roedd Ashiana a Mind Casnewydd yn falch o groesawu pobl i'r digwyddiad yn eu crysau-T Amser i Newid Cymru a llwyddwyd i ddenu pobl o ddiwylliannau amrywiol a ymatebodd i straeon personol hyrwyddwyr Amser i Newid Cymru am eu profiadau nhw o stigma a gwahaniaethu, a chymeron nhw ran yn y gweithdai lles gyda brwdfrydedd.

Mae baner Amser i Newid Cymru yn bwnc siarad gwych ac mae wedi dangos yn barod ei bod yn ffordd ddelfrydol o ysgogi sgyrsiau am iechyd meddwl a lles.

 

Efallai hoffech

Mae partneriaeth elusennol yn galw ar y cyhoedd i chwarae eu rhan i fynd i’r afael â chywilydd sy’n gysylltiedig â salwch meddwl

Mae iaith ac agweddau yn parhau i gyfrannu at y cywilydd y mae pobl â phrofiad o salwch meddwl yn ei wynebu

3rd March 2025, 12.00am | Ysgrifenwyd gan AiNC

Darganfyddwch fwy

Mae’n well gan bron i draean o oedolion Cymru gadw’n dawel am iechyd meddwl yn hytrach na mentro sgwrs lletchwith

Datganiad i'r Wasg Diwrnod Amser i Siarad 2025

6th February 2025, 12.00am

Darganfyddwch fwy