Yn dilyn cyhoeddiad diweddar gan raglen Time to Change Lloegr, rydym am egluro ein safbwynt yn gysylltiedig â'r rhaglen yng Nghymru. Rydym yn ymwybodol y bydd aelodau gweithredol o’r mudiad Amser i Newid Cymru yn awyddus i wybod am oblygiadau cyhoeddiad Lloegr i Gymru. Hoffem fynegi ein cydsafiad gyda'n cydweithwyr yn Lloegr ar ôl dysgu bod y rhaglen yn dod i ben ar 31 Mawrth 2021. Rydym yn awyddus i nodi nad yw'r penderfyniad hwn yn cael unrhyw effaith ar unwaith ar ddarpariaeth y rhaglen Amser i Newid yng Nghymru. Mae'r ffrydiau cyllido yn wahanol i Gymru a Lloegr. Mae hyn yn golygu ein bod yn dilyn ein trywydd cyllido ein hunain y tu hwnt i Fawrth 2021. Byddwn yn rhannu diweddariad pellach ar y canlyniad cyn gynted ag y bydd yn bosibl inni wneud hynny.
Yn y cyfamser, bydd Amser i Newid Cymru yn parhau i gynnal ymgyrchoedd ac yn cyflwyno gweithgaredd i roi diwedd ar stigma a gwahaniaethu ar iechyd meddwl yng Nghymru. Ym mis Tachwedd, byddwn yn cynnal ein hymgyrch iechyd meddwl dynion, Mae Siarad yn Hollbwysig, a byddwn yn nodi Diwrnod Amser i Siarad ar 4 Chwefror 2021 fel rhan o ymgyrch 4 gwlad ledled y DU.
Mae hyrwyddwyr, cyflogwyr ac unigolion yn chwarae rhan hynod bwysig wrth gefnogi cenhadaeth Amser i Newid Cymru i ddod â stigma iechyd meddwl i ben ac felly am y foment, mae'n fusnes fel arfer. Byddwn yn diweddaru y safle yma pan bydd mwy o wybodaeth gennym.