Gwella bywydau wrth roi diwedd ar stigma a gwahaniaethu ar sail iechyd meddwl yng Nghymru

Diweddariad Pwysig

Gyda chalon drom rydym yn cyhoeddi y bydd Amser i Newid Cymru, ein rhaglen gwrth-stigma genedlaethol yn dod i ben ar y 31 o Fawrth 2025. Mae hyn oherwydd nad ydym wedi sicrhau cyllid parhaol y tu hwnt i’r cyfnod presennol hwn. Ers ei sefydlu yn 2012, mae’r rhaglen hon wedi bod yn allweddol wrth godi ymwybyddiaeth, cefnogi unigolion, ac eiriol dros newid yn y ffordd y mae iechyd meddwl yn cael ei ganfod a’i drafod ar draws systemau a chymdeithas.

Dros y blynyddoedd, rydym wedi cael y fraint o weithio gyda gwirfoddolwyr, partneriaid a chyflogwyr anhygoel sydd wedi rhannu eu straeon, cyfrannu eu hamser, a hyrwyddo’r achos. Gyda’n gilydd, rydym wedi cyflawni cymaint o ymgyrchoedd ymwybyddiaeth y cyhoedd i gyrraedd cynulleidfaoedd newydd a herio stigma yn rhai o’r mannau mwyaf heriol.

Er bod y rhaglen waith hon yn dod i ben, mae’r ymrwymiad i fynd i’r afael â stigma iechyd meddwl yn parhau ar draws y ddau o’n sefydliadau cynnal Adferiad a Mind Cymru. Rydym yn annog pawb sydd wedi bod yn rhan o’r daith hon i barhau â’r sgwrs, cefnogi ei gilydd, ac eiriol dros Gymru ddi-stigma, i bawb.

Estynnwn ein diolch o galon i bawb sydd wedi cefnogi Amser i Newid Cymru dros y degawd diwethaf a mwy – ein Hyrwyddwyr, Cyflogwyr Addunedol a phartneriaid, a’r cymunedau rydym wedi’u gwasanaethu. Hefyd, diolch o galon i’n cyllidwyr yn Llywodraeth Cymru am gefnogi a hyrwyddo gwaith gwrth-stigma yng Nghymru.

Am ragor o fanylion neu gefnogaeth cysylltwch â'r tîm ar info@timetochangewales.org.uk neu ewch i dudalenau gwestiynau cyffredin Hyrwyddwyr a Chyflogwyr. 

Cadwch mewn cysylltiad â sianeli cyfrnygau cymdeithasol ein partneriaid:

Adferiad - Facebook, X (formerly Twitter), Instagram, LinkedIn

Mind Cymru - Facebook, Instagram, LinkedIn 

Ewch i'n Cwestiynau Cyffredin am Hyrwyddwyr

Ewch i'n Cwestiynau Cyffredin Cyflogwyr Addewid